Historia e trishtueshme Ikbal Masihut (1982-1995) nga Pakistani

Kur ishte në moshë të vogël, babai i tij  u detyrua ta shiste, ose thënë më mirë, ta këmbente me një borxh të cilin nuk mund ta paguante. Në moshën 5 vjeçare fillon të punoj në një Fabrikë të qilimave

Për gjashtë vjet Ikbal Masih duhej të lidhte qilima dymbëdhjetë orë në ditë, shpesh i lidhur me zinxhirë që të mos ikte. Si rezultat i punës së gjatë dhe të vështirë, ushqimit joadekuat dhe moskujdesit shëndetësor, rritja e tij fizike u ndalua. Kur ishte dymbëdhjetë vjeç, Ikbal ishte po aq i gjatë sa një gjashtë vjeç.

Ikbal bëri disa përpjekje për të shpëtuar nga Fabrika e qilimave, por u kap disa herë dhe u ndëshkua nga “mjeshtri” i tij. Në moshën dhjetë vjeç, Ikbal më në fund ishte në gjendje t’i shpëtonte skllavërisë me ndihmën e një organizate pakistaneze. Ai ishte në gjendje të ndiqte një shkollë në këtë organizatë. Përveç kësaj, ai bëri fushatë për të drejtat e fëmijëve dhe kundër robërisë (të ndaluar zyrtarisht) të borxhit dhe ndihmoi në lirimin e mijëra fëmijëve të skllavëruar.

Përmes këtyre aktiviteteve Ikbal Masih u bë i njohur ndërkombëtarisht. Në 1995, në moshën 12 vjeç, udhëtoi në SHBA për të marrë një çmim për të drejtat e njeriut nga fondacioni i të drejtave të njeriut. Në ceremoninë e ndarjes së çmimeve ai mbajti një fjalim në të cilin bëri thirrje për heqjen e skllavërisë së borxhit dhe punës shfrytëzuese të fëmijëve.

Vetëm pak ditë pas kthimit të Ikbal Masih nga Amerika, në moshën 12 vjeçare, vritet në një rrugë në afërsi të shtëpisë së tij. Edhe sot e kësaj dite mbetet mister vrasja dhe autorët e vrasjes edhe pse policia e shtetit kishte dhënë një version jo dhe aq të besueshëm për rastin në fjalë. /IKRE/