Princi i Emirateve i ofron Asadit 3 miliard dollar, për të rifilluar sulmet në Idlib

Pretendohet se Princi i Kurorës i Emirateve të Bashkuara Arabe (EBA), Mohammed bin Zayed al-Nahyan, i ka ofruar një sasi të madhe parash Bashar al-Assadit, që të prish armëpushimin e arritur për qytetin e Idlibit të Sirisë mes Turqisë dhe Rusisë më 5 mars, transmeton Anadolu Agency (AA).

Sipas lajmit në uebfaqen e lajmeve Middle East Eye, Princi Nahyan, duke u përpjekur të prish zbatimin e marrëveshjes së armëpushimit, Assadit i ka ofruar 3 miliardë dollarë.

Në lajm u pretendua se Nahyan, menjëherë para arritjes së marrëveshjes së armëpushimit mes Turqisë dhe Rusisë, ka dërguar ndihmësin e vëllait të tij Tahnound bin Zayed, njëherësh këshilltarin e sigurisë kombëtare, Ali Al-Shamsi në Damask për të biseduar me Assadin.

Më tutje në lajm pohohet se derisa presidenti i Turqisë Recep Tayyip Erdoğan dhe homologu i tij Vladimir Putin ishin duke biseduar për armëpushim, Nahyan ka biseduar me Assad, duke përsëritur kërkesën për mosarritjen e armëpushit, ndërsa Assadi është përgjigjur se ka nevojë për ndihmë financiare.

Sipas lajmit, Assad në këmbim të prishjes së armëpushimit nga Nahyan ka kërkuar 5 miliardë dollarë, por se palët kanë arritur për 3 miliardë dollarë dhe se para nënshkrimit të armëpushimit është bërë pagesë prej 250 milionë dollarë.

Pasi Rusia ka mësuar rreth planit, sipas lajmit, Putin ka dërguar ministrin e mbrojtjes Sergey Shoygu në Damask. “Nuk duam të fillosh një sulm të ri. Rusia dëshiron vazhdimin e armëpushimit” i ka thënë Shoygu Assadit.

Në lajm gjithashtu u pretendua se Nahyan pas vizitës së Shoygu, edhe njëherë ka tentuar dhe Assadit i ka bërë në pagesë prej 1 miliard dollarë.

Agjencia e Lajmeve Emirates, kishte njoftuar për një vizitë të delegacionit rus nën kryesimin e Sergey Narishkin, drejtuesit Shërbimit të Inteligjencës së Jashtme ruse (SVR), në Dubai.

Zëdhënësi i SVR, Sergei Ivano, në deklaratën për agjencinë e lajmeve TASS më 12 shkurt, kishte theksuar se Narishkin, me zyrtarët e EBA ka biseduar rreth bashkëpunimit kundër terrorizmit ndërkombëtar