“O biri im, sikur të ishte diçka tjetër pos Xhennetit, do ta kisha lënë ty, por Xhennetin jo!“ 

Ju që një ditë do të vizitoni Medinën e mrekullueshme dhe Luginën e Uhudit, është mirë të dini se aty, në varrezat e dëshmorëve, është varrosur dhe Abdullah Ibn Hirami r.a. i cili ka lënë mbarapa një histori mbreslënëse.

Pak para se të reshtoheshin burrat për në luftë. Një familje e varfër që përbëhej nga babai, djali dhe 9 vajza, kishin një dilemë. Dilema ishte se cili prej dy burrave, do të merte pjesë në Luftën e Uhudit.

Në njërën anë dëshironte të shkonte babai, e në anën tjetër djali. Sido që të shkonte puna, njëri nga ata duhej të qëndronte, për tu kujdesur për familjen. Arritën deri aty sa duhej të hedhnin short. Shorti i ra babait Abdullah ibn Hiramit r.a. Djali i tij Xhabiri r.a. nuk pajtohej derisa babai i tij i tha “O biri im, sikur të ishte diçka tjetër pos Xhennetit, do ta kisha lënë ty, por Xhennetin jo“. 

Iku bashkë me shumë luftëtarët të tjerë. Pasi përfundoi lufta shumë të vrarë kishte nga të dyja palët dhe në mesin e të vrarëve, ishte edhe Abdullah ibn Hirami r.a. babai i Xhabirit.

Tregon biri i tij Xhabiri r.a. “shkova ta shoh, por muslimanët e tjerë nuk më lejuan, pasi jobesimtarët ia kishin gjymtur trupin, pastaj Profeti s.a.v.s. u tha që të më lejonin ta shoh babain“.

Kur e pashë në atë gjendje, fillova të qaj me të madhe, saqë i fshija lotët me mëngë. Profeti s.a.v.s. u afrua dhe më tha: “E qan apo nuk e qan! Melekët vazhdojnë t’i bëjnë hije me krahët e tyre. Gëzohu o Xhabir!”.

“Po përse o dërguar i Allahut”- e pyeta.
Ai më tha: ”Nuk i ka folur kujt Zoti pa ndonjë pengesë, kurse babait tënd i ka folur direkt pa pengesë dhe i tha:”O robi Im, kërko prej Meje ç’të duash.

” O Zot” – i tha babai yt,  “kërkoj prej Teje që të më kthesh përsëri në jetë, të luftoj dhe të vritem përsëri në rrugën Tënde.”

„Zoti i tha, o biri i Ademit, e kam bërë ligj që të vdekurit të mos kthehen përsëri, prandaj kërko diçka tjetër. Atëhërë babai yt kërkoi që kënaqësinë dhe përjetimin e tij, ta ndaj edhe me muslimanët tjerë.  Me këtë rastt Zoti shpalli dy ajete në Suren Ali Imran (170 -171).

IKRE