“Si duhet të veprojmë, në një dite Ramazani, nëse Dielli nuk perëndon fare?”

Tregohet një rast interesant që ka ndodhur në xhaminë ku ligjeronte Imami Ebu Hanife. Një ditë përderisa Ebu Hanife, diskutonte rreth Fesë me nxënësit e tyre, hapet dera e xhamise dhe hyn brenda një njeri me një veshje të bukur, elegant dhe me një çallme të madhe mbi kokë. Ebu Hanife nuk e njohu dhe pasi mendoi që mund të ishte ndonjë dijetar i madh, i mblodhi këmbët në shenjë respekti.

Mysafiri i pershendeti të pranishmit dhe u ul para imamit.

“Kam nje pyetje”, tha ai. “Urrdhero”, ia ktheu imami.
“Si duhet të veprojmë, në një dite Ramazani, nëse Dielli nuk perëndon fare?” Kur e ndëgjoi pyetjen Ebu Hanifja, i shtriu këmbët përsëri, pasi e kuptoi se me çfare njeriu kishte të bënte.

Ndonjëherë përmes pyetjeve që bëjmë, tregojmë peshën tonë në  rrafshin e dijes.