Zvicër: “Kësaj rradhe, namazi i Teravisë, do të falet në shtëpi”

Për shkak të gjendjes së shkaktuar nga Covid 19 dhe reduktimeve nga Qeveria e vendit, duket që jeta fetare në Zvicër, gjatë muajit të Ramazanit do të reduktohen. Pritet që aktivitetet e zakonshme fetare në Ramazan si Namazi i Teravive të falen në shtëpi. Pos kësaj, gjatë gjith Ramazanit, xhamitë do jenë të mbyllura për publikun. Pritet që ligjeratat si dhe mësimbesimi të vazhdoj në formën digitale, organizuar nga xhamitë shqiptare.

Bern: 20.04.2020

Këto dhe disa vendme tjera janë sjellë nga Kryesia e Unionit të Bashkësive Islame Shqiptare në Zvicër në prag të fillimit të Ramazanit. Për më shumë detaje, po ua bashkangjes dhe komunikatën e lëshuar më 20.04.2020, dita e Hënë.

KOMUNIKATË

Esselamu alejkum të nderuar vëllezër, kuvendarë të shtrenjtë, kryesi dhe imamllarë të xhamive, si dhe ju xhematlinj të nderuar!

Ne patëm shumë shpresë se me lehtësimet e fundit që u bënë me datë 16.04.2020, nga ana e Qeverisë federale zvicerane, do të kishte lehtësim edhe ndaj aktiviteteve të komunitetit tonë në xhami, por një gjë e tillë nuk ndodhi dhe gjendja e jashtëzakonshme në xhamitë tona do të vazhdojë edhe për një afat kohor të papërcaktuar.

Kryesia e Unionit të Bashkësive Islame Shqiptare në Zvicër, bazuar në vendimet dhe udhëzimet e fundit që ndërmorri Qeveria zvicerane, në lidhje me masat për
parandalimin e virusit COVID-19, si dhe në rekomandimet e Federatës së Organizatave Islame në Zvicërs (FIDS), ku edhe ne si DAIGS bëjmë pjesë, përmes kësaj komunikate ju paraqesim këto vendime dhe rekomandime:

1. Muaji i bekuar i Ramazanit fillon me perëndimin e diellit të ditës së enjte, ndërsa
   dita e parë e tij është më 24 prill, 2020, e premte.
2. Ramazani i këtij viti do të jetë një muaj ku aktivitetet fetare do të organizohen në
   frymën e masave të jashtëzakonshme, në përputhje me udhëzimet e organeve
   kompetente shtetërore.
3. Xhamitë mbeten edhe mëtutje të mbyllura për namazet ditore me xhemat, për
   namazin e xhumasë. Po ashtu, namazi i teravisë do të falet individualisht ose
   familjarisht dhe nuk do të falet në mënyrë të organizuar në xhami.
4. Mësim-besimi në Mekteb mbetet të zhvillohet edhe mëtutje online, për ta
   shqyrtuar edhe njëherë pas 11 majit, 2020.
5. Gjatë Ramazanit, xhamitë duhet të jenë të hapura për imamin dhe kryesinë e
   xhamisë, të cilët do të kujdesen për kërkesat e xhamatit, ligjëratat online dhe
   thirrja e Ezanit, etj.
6. Iftaret nuk lejohen të organizohen në grupe të mëdha. Preferohet që në këtë
   Ramazan, iftaret t’i kalohen në atmosferën dhe sofrën e familjes së ngushtë.
7. Sa i përket organizimit dhe faljes së namazit të bajramit, gjithashtu, për
   momentin është e pamundur dhe në vend të tij, do të falet namazi i sahabut, në
   shtëpi apo banesë. Kryetarët dhe imamët e xhamive do t’ju drejtohen xhemateve
   të tyre me një mesazh bajrami për t’ju uruar festën anëtarëve të xhamisë.
8. Të gjitha obligimet e tjera fetare që janë të caktuara të realizohen në këtë muaj,
   sikurse janë fitrat, fidjet, kefaretet apo sadakatë, do të duhet të kryhen në secilën
   xhami, te kryesitë e tyre.

Të nderuar vëllezër, e theksojmë dhe ju rikujtojmë edhe njëherë se shëndeti dhe
mbrojtja e jetëve të njerëzve është ndër gjërat e para që duhet t’ju japim përparësi.
Prandaj i bëjmë të gjitha këto ndryshime dhe japim të gjitha këto udhëzime. Ngelim me shpresë se do të respektohen fuqishëm nga ju. I gëzohemi fortë ardhjes së Ramazanit, sepse me të do të vijë mëshira, mirësia dhe shpresa për të gjithë ne. Pra, mirë se të vijë muaji i bekuar i Ramazanit!

Ju urojmë një muaj të begatë dhe të lehtë Ramazani!

Paçi bekimet e Zotit kudo që të jeni!

Me respekt,
Kryesia e DAIGS