Besimtarët Ortodoks, nuk respektuan rekomandimet e Qeverisë në RMV

SHKUP: Kremtimi i Festës Ortodokse të Pashkëve në Republikën e Maqedonisë së Veriut, nuk ka shkuar ashtu siç kanë paralajmëruar Krerët e Kishës Ortodokse, besimtarët ortodoks nuk kanë respektuar rekomandimet e Qeverisë për mbrojtje nga Covid 19, shkruan IKRE.

Gjatë natës së kaluar, janë regjistruar video dhe fotografi të cilat vërtetojë se gruoe të mëdha njerëz nuk kanë respektuar kriteret e vendosura nga Qeveria dhe kanë marrë pjesë në lutjet e kësaj nate. Me këtë veprim Komuniteti Ortooks ka vënë në pikëpyetje gjith masat e Qeverisë dhe sakrificën e popullatës në Maqedoninë e Veriut, të cilët janë të ngujuar me orë dhe ditë të tëra në shtëpitë e tyre.

Pas një akti të këtillë, kanë reaguar partitë politike në vend dhe me të drejtë edhe qytetarët e besimit Islam, të cilët shtrojnë pyetjen se për çfarë arsye atëherë janë mbyllur Xhamitë, nëse ky vendim nuk vazhdon dhe për Kishat.

Përnrdyshe, Qeveria e Maqedonisë, i ka bërë thirrje Kreut të Kishës Ortodokse që të mos shënojnë Pashkët si në vitet e kaluara, por me numër shumë të vogël dhe simbolik. Por duket që krerët e këtij komuniteti, nuk i kanë përfillur rekomandimet e Qeverisë.

Mbetet ende e paqartë nëse gjobat e larta deri në 5000 euro, do ju shënohen gjith atyre që kanë rrezikuar masat e mara nga Qeveria me rastin e kremtimit të Pashkëve, ashtu siç ndodhi disa ditë më parë, me disa qytetarë të fshatit Hasanbeg në afërsi të Shkupit, kur prishën rendin dhe dolën në protesta.

Portali IKRE