“Nuk ka dobi nga pasuria, e cila nuk vlen më shumë se një gotë ujë”

Një dietar i kohës së Abasitëve i njohur me emrin Ibn Semak, takoi Harun Er-Reshidin i cili në ato momente ishte duke pirë një gotë ujë. Në këtë rast Ibn Semak pyeti: “O udhëheqës i besimtarëve, nëse do të ishe i etur dhe nuk do të të lejohej për ta pirë këtë gotë ujë, sa do të kishe paguar për të?” Harun Er-Rashidi i thotë: “Me tërë pasurinë time”.

Ibn Semaki e pyet përsëri: “Po nëse uji do të ishte zënë në kanalin e urinës (dhe nuk do të dilte), sa do të kishe paguar për t’u liruar nga uji?” Harun Er-Reshidi i përgjigjet: “Me tërë pasurinë time!”. Atëherë ibn Semak i tha:“ O Emir i besimtarëve, nuk ka dobi nga pasuria e cila nuk vlen më shumë se një gotë ujë dhe lirimi prej tij., ia ktheu Ibn Semak.

Shëndeti është ndër dhuratat më të çmuara që Zoti, i dha njeriut. Atë duhet ta çmojmë dhe ruajmë. Ai na mësoi të ushqehemi me gjëra të pastërta, të mos e tepojmë kur konsumojmë ushqim, të ruajmë natyrën, të mos vrapojmë pas pasurisë duke prishur ekuilibrin e gjërave që Zoti i krijoi. Nuk do na vlej asgjë, nëse vimë në një pozitë kur jeta jonë të mvaret nga mungesa e një gote uji ose teprica e saj në stomakun tonë.

“E, cilën të mirë të Zotit tuaj po e mohoni” (Er-Rahman)

Irfan Agusi